مغربی آسٹریلیا کا نواحی ہوٹل فرائر کے بچے ہوئے تیل سے چلنے والے تیز رفتار چارجرز لگانے کی منصوبہ بندی کر رہا ہے۔

جنوری سے عوام کے چندے سے جنوبی آسٹریلیا اور مغربی آسٹریلیا کی حکومتوں کی جانب سے بنائے جانے والے 50 کے وی ڈی سی چارجر کائیگُنا روڈ ہاؤس نُلربور کے 720 کلو میٹر کے بیچ نصب کیے جائیں گے۔

اس کا مطلب ہے جب برقی ہائی ویز مکمل ہوجائیں گی تو ایک برقی گاڑی کا مالک فاسٹ چارجنگ اسٹیشنز کے نیٹورک کی تلاش میں بھٹکے یا ری چارج کے لیے 90 منٹ سے زیادہ انتظار کیے بغیر سڈنی سے پرتھ تک جا سکے گا۔

جو چیز کائیگُنا چارجر کو منفرد بناتی ہے وہ ہے جنریٹر کا ایندھن۔

آف-گرڈ اور مہنگے سولر پینلز اور بیٹریز کے بر عکس، یہ روڈ ہاؤس کم فضلا خارج کرنے والی ایسی چیز کا استعمال کرے گا جِسے وہ سالوں سے پھینکتا آرہا ہے اور وہ ہے تلے ہوئے چپس کا بچا ہوا تیل۔

روڈ ہاؤس کے مالک ڈون وا کا کہنا تھا ’ہم نے ڈیپ فرائرز سے چکنائی جمع کرنا شروع کردی ہے۔ یہ بہترین آئیڈیا ہے۔‘

ڈون وا جو پرتھ کے مضافات میں رہتے ہیں، آئر ہائی وے پر تین نُلبور روڈ ہاؤس کے مالک ہیں۔