عرب ملک عمان میں کام کرنے والے ماہرین آثارِ قدیمہ نے کانسی کے دور کا پتھر کا قدیم بورڈ گیم دریافت کیا ہے جس کے متعلق خیال کیا جا رہا ہے کہ یہ 4000 سال پرانا ہے۔

عمان کی وزارتِ ورثہ اور سیاحت اور یونیورسٹی آف وارسو کی جانب سے قومیراہ وادی میں عین بنی سعدہ کے اطراف میں دسمبر میں کھدائی مکمل کی گئی۔

کمروں کی باقیات میں پایا جانے والے اس بورڈ گیم میں 13 خانے ہیں جن میں نشان لگے ہیں۔ سب خانوں کے بیچ میں نشان ہیں۔

پیوٹر بیلِنسکی کا کہنا تھا کہ ایسی دریافتیں بہت نایاب ہیں لیکن ایسی مثالیں انڈیا سے آگے میسیپوٹیمیا اور مشرقی بحیرہ روم کے علاقے تک میں ملتی ہیں۔

یونیورسٹی آف وارسو کے ماہرِ آثارِ قدیمہ نے مزید کہا کہ سب سے مشہور مثال ایک گیم بورڈ کی ہے جو اُر کی قبروں میں سے ایک سے ملا تھا۔

اس کھیل کے اصول تو کھو گئے ہیں لیکن اگر عین بنی سعدہ کا کھیل بھی اُر کے شاہی کھیل کی طرھ کھیلا جاتا تھا تو یہ جدید دور کے کھیل بیک گیمن کے قریب تر ہوگا۔

اس کھیل میں دو کھلاڑی ایک دوسرے کے خلاف پانسہ پھینکتے ہیں اور اپنے اپنے پیس کو بورڈ گھما کر مخلاف سے پہلے بورڈ سے اتار لیتے۔

بیک گیمن کے اصولوں کے مطابق ایک کھلاڑی کے پاس یہ اختیار ہوتا تھا کہ وہ اپنے مخلاف کی گوٹ پیٹ کر دوبارہ سے چکر شروع کروائے۔