دنیا میں روز بروز ارب پتیوں کی تعداد بڑھتی جارہی ہے لیکن ارب ڈالرز کے اثاثے بنانے کے ساتھ یہ امراء ان صحت، تعلیم، غریت، بھوک، موسمیاتی تغیر اور دیگر معاملات میں ان لوگوں کا بھرپور خیال رکھنے کی  کوشش کرتے ہیں جنہیں قدرت نے بنیادہ سہولیات سے محروم رکھا ہے۔

فوربز کے اندازے کے مطابق امریکا میں 25 امیر ترین شخصیات نے اب تک  مجموعی طور پر 169 ارب ڈالرز کی رقم خیرات کی ہے۔

نیچے آپ کو بتایا جا ریا ہے کہ ان امیر ترین افراد نے اپنی آمدنی میں سے اب تک کتنی رقم خیرات کی ہے۔

وارن بفٹ

برکشائر ہیتھ اوے کے 91 سالہ مالک وارن بفٹ کی فی الوقت حیثیت 115.6 ارب ڈالرز ہے۔

وارن بفٹ امداد کی مد میں اب تک 46.1 ارب ڈالرز کی خطیر رقم دے چکے ہیں۔

یہ صحت اور غریبی کے خاتمے کی مد میں امداد کو ترجیح دیتے ہیں۔

بِل گیٹس اور میلنڈا فرنچ گیٹس

مائیکروسافٹ کے بانی بِل گیٹس 133.3 ارب ڈالرز کی ملکیت رکھتے ہیں اور اب تک صحت اور غربت کے خاتمے کی مد میں 33.4 ارب ڈالرز کی خطیر رقم عطیہ کر چکے ہیں۔

جارج سوروس

سوروس فنڈ منیجمنٹ کے مالک جارج سوروس کی مالیت 8.6 ارب ڈالرز کی ہے۔ اور یہ اب تک خیرات کی مد میں 18.1 ارب ڈالرز تقسیم کر چکے ہیں۔

ان کی امداد کا مرکز جمہوریت کی مضبوطی، تعلیم، انسداد نسل پرستی اور ہیلتھ کیئر ہوتا ہے۔

مائیکل بلوم برگ

بلوم برگ کمپنی کے مالک مائیکل بلوم برگ کی موجودہ مالیت 70 ارب ڈالرز ہے۔

مائیکل اب تک 12.7 ارب ڈالرز کی رقم امداد کی مد میں بانٹ چکے ہیں۔

ان کا مرکزِ نگاہ صحت اور موسمیاتی تغیر ہوتا ہے۔

میکینزی اسکاٹ

امریکی ناول نگار اور ایمازون کے مالک جیف بیزوس کی سابقہ اہلیہ میکینزی اسکاٹ کی کُل مالیت 53.5 ارب ڈالرز کی ہے اور وہ اب تک 8.51 ارب ڈالرز نسلی، جنسی اور معاشی نا انصافی کے مسائل کو حل کرنے کے لیے خیرات کر چکی ہیں۔

چارلس ’چَک‘ فینے

ڈیوٹی فری شاپرز کی چین شروع کرنے والے چارلس فینے کی مالکیت 20 لاکھ ڈالرز کے اندر اندر ہے۔

چارلس اب تک سائنس، انسانی حقوق اور نوجوانوں کے لیے آٹھ ارب ڈالرز کی رقم خرچ کر چکے ہیں۔

گورڈن اور بیٹی مور

مشہور ٹیکنالوجی کمپنی انٹیل کے بانی گورڈن مور کی کُل مالیت 11.1 ارب ڈالرز ہے۔

گورڈن اور ان کی اہلیہ نے سائنس، ماحولیات، پیشنٹ کیئر اور بے ایریا کی مد میں 5.5 ارب ڈالرز عطیہ کیے ہیں۔

جِم اور میریلین سمنز

ریناساں ٹیکنالوجی کے مالک جم سمنز کی اس وقت 24.4 ارب ڈالرز کی مالیت ہے۔

جِم اور ان کی اہلیہ اپنی آمدنی سے اب تک 3.3 ارب ڈالرز STEM ریسرچ کی مد میں خرچ کر چکے ہیں۔

فِل نائٹ اور ان کا خاندان

مشہور کمپنی نائیکی کے بانی فِل نائیٹ کی فی الوقت کُل مالیت 54.8 ارب ڈالرز کی ہے اور انہوں نے اب تک تعلیم کے شعبے میں محرومیوں کو دور کرنے کے لیے 3.1 ارب ڈالرز کی خطیر رقم خرچ کی ہے۔

مارک زکر برگ اور پرِسیلا چین

فیس بک کے مالک مارک زکر برگ کی کل مالیت 112.8 ارب ڈالرز کی ہے اور انہوں نے سائنس، تعلیم اور کرمنل جسٹس کے میدان میں اب تک تین ارب ڈالرز کی رقم عطیہ کی ہے۔