ایک تحقیق میں معلوم ہوا ہے کہ زمین کا اندرونی حصہ متوقع رفتار سے زیادہ تیزی کے ساتھ ٹھنڈا ہو رہا ہے۔ اس کا مطلب ہے کہ ہمارا سیارہ ہمارے خیال سے بھی جلدی عطارد اور مریخ کی طرح غیر فعال ہو جائے گا۔

ای ٹی ایچ زیوریخ کے محققین کی جانب سے کی جانے والی ٹیم نے برِجمینائیٹ کی تھرمل خصوصیات کا مطالعہ کیا۔ یہ وہ بنیادی عنصر ہے جو زمین کے مرکز اور بیرونی پرت کے درماین دیوار بناتا ہے۔

اس سرحدی تہہ کی تھرمل کنڈگٹِویٹی اس بات کا تعین کرتی ہے کہ پگھلے ہوئے آئرن-نکل کور سے کتنی توانائی، اس سے اوپر موجود نسبتاً ٹھنڈے اور گاڑھے مینٹل تک جاسکتی ہے۔

کور-مینٹل کی سرحدی صورتحال دیکھنے کے لیے محققین کی ٹیم نے ڈائمنڈ اینول پریس پر لیزر کا استعمال کیا۔

جس سے انہیں معلوم ہوا کہ برجمینائیٹ ان کے خیال سے 1.5 گُنا زیادہ گرمائش کنڈکٹ کر سکتا ہے۔

جس کا مطلب ہے کہ ٹیکٹانک پلیٹس پہلے لگائے گئے اندازے سے زیادہ تیزی سے سست ہوجائیں گی۔

تاہم، یہ بات واضح نہیں ہے کہ اس عمل کو ہونے میں کتنا عرصہ لگے گا۔

تحقیق ارضیات کے سائنس دان موٹوہیکو مراکمی اور ان کے بین الاقوامی ساتھیوں کی ٹیم نے کی۔

پروفیسر مراکمی نے بتایا کہ محققین کے نتائج زمین کی حرکات کے ارتقاء کے حوالے سے نیا نقطہ نظر دے سکتے ہیں۔

انہوں نے بتایا کہ زمین، عطارد اور مریخ جیسے دیگر چٹانی سیاروں کی طرح توقع سے زیادہ جلدی ٹھنڈی اور غیر فعال ہو رہی ہے۔