سوشل میڈیا پر ایک ویڈیو وائرل ہوری ہے جس میں موسیقی کی شوقین ہرنیں جنگل میں دھن بجنے پر دور سے دوڑی چلی آتی ہیں۔

سوشل میڈیا پر وائرل ہونے والی ویڈیو جنگل میں انسانوں اور جانوروں کے درمیان خوشگوار اور ایک خوبصورت لمحے کو ظاہر کرتی ہے۔

ڈنمارک کے پارک میں بیٹھی ایک خاتون موسیقی کے آلے سیلو کو بجاتی ہے جس پر ہرنوں کو آہستہ آہستہ اس کے قریب آتے ہوئے دیکھا جاتا ہے جب وہ یہ سمجھنے کی کوشش کرتے ہیں کہ یہ سریلی دھن کہاں سے آرہی ہے۔

خاتون کا نام ڈیانا ہے اور وہ اپنے انسٹاگرام پیج پر ویڈیوز اپ لوڈ کرنے کے لیے جانی جاتی ہیں جب کہ مختلف حالات میں بھی آلہ موسیقی سیلو بجاتی ہیں۔

انسٹاگرام پر پوسٹ کیے جانے کے بعد سے اس ویڈیو کو 16،000 سے زیادہ لائکس مل چکے ہیں جب کہ اس پر کئی تبصرے بھی ہوئے ہیں۔