ایک نئی تحقیق میں معلوم ہوا ہے کہ نظامِ شمسی کے باہر دور فاصلے پر ایک سیارہ دریافت ہوا ہے جس کی شکل رگبی کی بال جیسی ہے۔

نئی تحقیق کے مطابق اس سیارے کی عجیب و غریب شکل اس کے مرکزی ستارے کی گریویٹیشنل قوت کی وجہ سے ہے۔

WASP-103b نامی شدید گرم سیارہ زمین سے 1000 نوری سال کی دوری پر ہے۔

WASP-103b کی دریافت 2014 میں ہوئی تھی۔

یونیورسٹی آف جنیوا کے بیان کے مطابق نظامِ شمسی کے باہر موجود اس سیارے کو ’گرم مشتری‘ خیال کیا جاتا ہے کیوں کہ یہ اپنے مرکزی ستارے کے گرد دنیاوی ایک دن کے میں چکر لگا لیتا ہے، جو اس کو اپنے ستارے کے نہایت قریب رکھتا ہے اور اس کی کششِ ثقل بہت زیادہ ہے۔

اس سیارے میں بننے والی لہری قوتیں بالکل ویسی ہی ہیں جیسی چاند ہمارے زمین کے سمندروں میں بناتا ہے لیکن بہت شدید طریقے سے۔

تحقیق کے شریک مصنف یان ایلیبرٹ کا ایک بیان میں کہنا تھا کہ کیوں کہ اس کی ستارے سے بہت قربت ہے، اس لیے انہیں شبہ تھا کہ اس سیارے میں بہت بڑی لہریں بنتی ہوں گی۔

WASP-103b کے متعلق نئے مشاہدات کریکٹرائزنگ ایگزو پلینٹس سیٹلائیٹ(CHEOPS) سے حاصل ہوئیں۔ یہ ایک یورپی اسپیس ٹیلی اسکوپ ہے جو دسمبر 2019 میں لانچ کی گئی تھی۔

محققین نے ناسا کی ہبل اسپیس ٹیلی اسکوپ اور ریٹائر کر گئی اسپٹزر اسپیس ٹیلی اسکوپ کے گزشتہ مشاہدات بھی استعمال کیے۔

یہ نئی تحقیق آسٹرونومی اینڈ آسٹرو فزکس نامی جرنل کے جنوری 2022 کے ایڈیشن میں شائع ہوئی ہے۔

تحقیق کی رہنمائی سوزانا بیروس  نے پرتگال کے انسٹیٹیوٹ آف اسپیس آسٹرو فزکس اینڈ سائنز کی ایک محقق ہیں۔