یہ بات درست ہے کہ جب کبھی کسی سے مدد مانگنے کی ضرورت پڑتی ہے تو میسج، ای میل یا فون کال کرنا زیادہ آسان لگتا ہے۔

لیکن ایہ نئی تحقیق میں بتایا گیا ہے کہ اگر آپ چاہتے ہیں کہ کوئی آپ کی مدد کرے تو آپ کو اُس سے آمنے سامنے پوچھنا چاہیئے۔

ٹورونٹو کی رائرسن یونیورسٹی کے محققین کو تحقیق میں معلوم ہوا کہ جن لوگوں سے آمنے سامنے مدد مانگی جاتی ہے وہ مدد کرنے کے لیے زیادہ آمادہ ہوتے ہیں، ان لوگوں کی نسبت جن سے ویڈیو کال یا ای میل پر مدد مانگی جاتی ہے۔.

سوشل سائیکولوجیکل اینڈ پرسنیلٹی سائنس میں شائع ہونے والی اپنی اس تحقیق میں محققین کے سربراہ ایم مہدی روغنیزاد کا کہنا تھا کہ ہمیں معلوم ہوا کہ آمنے سامنے مدد مانگنا، مواصلات کے کسی چینل، جیسے کہ ویڈیو کال یا میسج، کی نسبت کہیں زیادہ بہتر تھا۔

تحقیق میں محققین نے یہ سمجھنے کے لیے ایک تجربہ کیا کہ مواصلات کے کس ذریعے سے مدد مانگنا بہتر ہے۔

تجربے میں 888 شرکاء میں کو کہا گیا کہ اپنے پانچ دوستوں سے آمنے سامنے، ویڈیو کال، آڈیو کال، آڈیو میسج یا ویڈیو میسج کے ذریعے مدد مانگیں۔

نتائج سے معلوم ہوا کہ جن لوگوں نے اپنے دوستوں سے آمنے سامنے مدد مانگی تھی ان کا طریقہ دوسروں کی نسبت زیادہ مؤثر ثابت ہوا۔