برطانیہ میں ایک خاتون نے دعویٰ کیا ہے کہ ان کا میٹا، جس کا ماضی کا نام فیس بک تھا، کے ورچوئل گیم میں گینگ ریپ کیا گیا ہے۔

ویب سائٹ میڈیئم پر ایک بلاگ پوسٹ میں خاتون کا کہنا تھا کہ میٹا کے بنائے گئے ورچوئل گیم ہورائزن ورلڈز کھیلتے ہوئے حقیقی خوف محسوس ہوا۔

انہوں نے لکھا کہ جوائن کرنے کے 60 سیکنڈز کے اندر انہیں زبانی اور جنسی طور پر ہراساں کیا گیا۔ 3، 4 مردانہ اوتار نے میرے اوتار کا ورچوئل گینگ ریپ کیا۔

انہوں نے اپنے اوتار پر چند مردانہ اوتار کی جانب سے کیے جانے والے جنسی تشدد کی تفصیلات بتائیں۔

انہوں نے مزید بتایا کہ انہوں نے تصاویر لیں اور انہیں نازیبہ گفتگو کی۔

یہ خاتون کبونی وینچرز کے لیے میٹاورس ریسرچ کی نائب صدر ہیں۔

میٹا نے امریکا اور کینیڈا میں 18 اور اس سے زیادہ عمر کے افراد کے لیے ہورائزن ورلڈز 9 دسمبر کو ریلیز کیا تھا۔

سی این بی سی کے مطابق اس میں تخلیق کاروں نے ہزاروں ورچوئل دنیائیں بنائی ہوئی ہیں جس کو سب صارفین مفت میں ڈاؤن لوڈ کر سکتے ہیں۔

لیکن میٹا کا ارادہ ہے کہ ای کامرس اور ایڈورٹائزنگ کو سہارا دینے کے لیے گیم کو مونیٹائز کرے۔ بال کل اُسی طرح جسے سوشل میڈیا ایپس فیس بک اور انسٹاگرام منافع کماتی ہیں۔

تاہم، ذرائع ابلاغ کی جانب سے مؤقف کی درخواست پر میٹا نے فوری جواب نہیں دیا ہے۔