جنوری کے مہینے میں برازیل کے ایمازون برساتی جنگلات میں سب سے زیادہ درختوں کا کٹاؤ ریکارڈ کیا گیا۔

جمعے کے روز جاری ہونے والے حکومتی ڈیٹا کے مطابق جنوری میں برازیل ایمازون کے جنگلات میں شدید کٹاؤ دیکھا گیا۔

برازیل کی حکومت کی جانب سے اس تباہی کو کنٹرول کرنے کے لیے کیے گیے عہد کے باوجود جنگلات کو درپیش یہ تباہی بد سے بد تر ہوتی جارہی ہے۔

برازیلی حکومت کی اسپیس ریسرچ ایجنسی کی جانب سے جاری ڈیٹا کے مطابق گزشتہ ماہ جنگلات کے کٹاؤ کا رقبہ 430 مربع کلومیٹر تک پھیلا گیا ہے جو جنوری 2021 کی نسبت پانچ گُنا زیادہ ہے۔

2015-2016 میں ڈیٹا جمع کرنے کے ابتداء ہونے سے یہ جنوری سب سے بلند رہا ہے۔

جنگلات کے کٹاؤ کا یہ رقبہ نیو یارک شہر کے علاقے مینہیٹن کے رقبے سے سات گُنا زیادہ ہے۔

ماحولیات کے محققین کا کہنا تھا کہ وہ بڑھتی ہوئی اس تباہی کو دیکھ کر حیران نہیں ہیں۔

محققین نے اس کا قصور وار دائیں بازو کے برازیلی بولسونارو کے 2019 میں عہدہ سنبھالنے کے بعد ماحولیات کے تحفظ کے حوالے سے کمزور پالیسیوں کو قرار دیا۔

تاہم، برازیل کی وزارتِ ماحولیات کا کہنا تھا کہ ایک ماہ کے ڈیٹا سے موازنہ کرنا درست نہیں۔

انہوں نے کہا اگست سے جنوری تک جنگلات کے کٹاؤ میں گزشتہ سے پیوستہ سال کی نسبت معمولی کمی آئی تھی۔