چین کے ایک مقامی کتے نے اپنے گھر سے تقریباً 40 کلو میٹر کا فاصلہ طے کر کے اپنے پہلے مالک کو ڈھونڈنے کی کوشش نے سوشل میڈیا کو صارفین کو ہالی وڈ اداکار رچرڈ گیئر کی یاد دِلا دی۔

بِگ ییلو نامی آٹھا سالہ کتے کا مالک 2021 میں نئے چینی قمری سال کے قریب انتقال کر گیا تھا جس کے بعد اس کو مالک کے بیٹے نے رکھ لیا تھا۔

چینی سوشل میڈیا پلیٹ فارم ڈُویِن پر ایک خاتون کی جانب سے شیئر کی گئی ایک پوسٹ کے مطابق کتا بظاہر چُپکے سے گھر سے نکلا اور تقریباً ہفتے کے بعد گاؤں واپس پہنچ گیا (جہاں اس کا مالک رہتا تھا)۔

اس پوسٹ میں کتے کی ویڈیو بھی تھی اور وہ جلد وائرل ہو گئی، جس کے بعد صارفین نے اس واقعے کو رچرڈ گیئر کی فلم سے جوڑنا شروع کیا جو ہاچِکو نامی کتے کی حقیقی کہانی پر مبنی تھی جس نے نے نو سال تک اپنے مرے ہوئے مالک کا انتظار کیا تھا۔

ڈُویِن پر کی جانے والی پوسٹ میں خاتون کا کہنا تھا کہ شاید وہ نہیں جانتا کہ موت کا کیا مطلب ہے اور کیوں وہ شخص جو اس سے سب سے زیادہ محبت کرتا تھا اس کے ساتھ نہیں ہے۔

کتے کے مالک کا بیٹا، جو کتے کو اپنے ساتھ لے آیا تھا، اس نے فیصلہ کیا کہ کتے کو اپنے فوت شدہ والد کے گاؤں میں رہنے دے گا۔