بھارتی ریاست اتر پردیش میں پولیس کے ہوش اس وقت اڑ گئے جب انہوں نے ایک رکشہ میں سے پانچ یا دس نہیں بلکہ 27 افراد کو سوار پایا۔

بنڈی کوتوالی پولیس اسٹیشن کے قریب تھری وہیلر کا تعاقب کرتے ہوئے ٹریفک پولیس نے رکشہ کو روکا اور سواروں کو نکالنا شروع کیا، لیکن یہ دیکھ کر اہلکار دنگ رہ گئے کہ اس میں 27 لوگ سوار تھے۔

یوپی ٹریفک اسٹاپ کی یہ ویڈیو ٹوئٹر اور سوشل میڈیا پر وائرل ہونے کے بعد لوگوں نے اس بلیک ہول نما رکشہ کو عملی طور پر ایک منی بس قرار دیا ہے۔

اگرچہ یہ ابھی تک واضح نہیں ہے کہ اتنے سارے سوار ایک ہی رکشے میں کیوں ٹھنسے ہوئے تھے۔

میڈیا رپورٹس بتاتی ہیں کہ رکشے کو پولیس کی جانب سے ضبط کر لیا گیا ہے۔

ذرائع ابلاغ کا کہنا ہے کہ مسافر عید الاضحیٰ کی نماز ادا کرنے کے بعد گھر جا رہے تھے۔