شہرِ قائد میں مون سون بارشوں کا سلسلہ جاری ہے جس کی وجہ سے ایک شہری نے بارش سے بچنے کے لیے بائیک پر انوکھی چھتری لگالی۔

ان دنوں اب اس شہری کی دلچسپ ویڈیو سوشل میڈیا پر خوب وائرل ہو رہی ہے جبکہ صارفین بھی خوب اس پر مختلف تبصرے کررہے ہیں۔

ویڈیو میں شہری کو دیکھا جاسکتا ہے کہ اس نے بارش سے بچنے کے لیے منفرد حل ڈھونڈتے ہوئے اپنے اوپر چھتری نصب کرلی ہے جسکی ویڈیو ایک کار سوار نے موقع پر بنا کر سوشل میڈیا پر اپلوڈ کردی ہے۔

شہری کا کہنا ہے کہ بارش کی صورتحال کو دیکھتے ہوئے مارکیٹ میں ایک نئی چھتری آئی ہے جسے موٹر سائیکل والوں کے لیے بنایا گیا ہے، کار سوار شخص نے موٹر سائیکل والے شخص سے اس چھتری کی قیمت پوچھی تو اس نے بتایا کہ یہ 2 ہزار روپے کی ہے۔

نئے ڈیزائن والی چھتری کو لوگ پسند کر رہے ہیں اور یقیناً یہ موٹر سائیکل سواروں کے لیے اس موسم میں کسی قیمتی چیز سے کم نہیں۔