اس خبر میں آج ہم آپکو زمین جیسے ایسے سیارے کے بارے میں بتائیں گے جس کو سائنسدانوں نے ڈھونڈ نکالا ہے۔

زمین سے متعلق ہمارے ذہنوں میں بے شمار سوالات ہوتے ہیں، یہ سوالات ہمارے نظامِ شمسی سے باہر کے سیاروں کی تلاش میں ماہرین فلکیات کی رہنمائی کرتے ہیں اور اس بار شاید ماہرین کو خزانہ مل ہی گیا ہے۔

ایک ایسا سیارہ سیارہ دریافت ہوا ہے جس میں بہت گہرا سمندر ہو سکتا ہے، اس سے بھی زیادہ دلچسپ بات یہ ہے کہ یہ زمین جیسا سیارہ ہے۔

ہم سے تقریباً 100 نوری سال کے فاصلے پر”TOI-1452 b”  نامی یہ سیارہ زمین کے برعکس دو ستاروں کے گرد چکر لگا رہا ہے، جو صرف ایک سورج کے گرد گھومتے ہیں جبکہ یہ سیارہ زمین سے تقریباً پانچ گنا بڑا ہے۔

ماہرین فلکیات کے مطابق اس کی کثافت گہرے سمندر کے برابر ہوسکتی ہے۔

خلائی تحقیق کے امریکی ادارے ناسا کے مطابق یہ سیارہ اپنے ستارے کے گرد صرف 11 دن میں چکر مکمل کرتا ہے جس کا مطلب ہے کہ اس سیارے پر ایک سال صرف 11 دن کا ہے۔