مائیکرو ویو الیکٹرو میگنیٹک لہریں ہیں جو ایک مخصوص زاویہ پر حرکت کرتی ہیں۔

کچن میں سب سے زیادہ زیرِ استعمال رہنے کے باوجود مائیکرو ویو سے زیادہ کسی اور مشین پر آرا تقسیم نہیں ہیں، وہ لوگ جو کھانا پکانا نہیں جانتے ہیں یا پکا نہیں سکتے ہیں وہ تو اس کی تعریفوں کے پُل باندھ دیتے ہیں تاہم پیشہ وار شیف (باورچی) حضرات کے لیے یہ مشین کھانا پکانے کے فن کو گٹر میں ڈبو رہی ہے۔

اس خبر میں آج ہم آپکو چند ایسی چیزوں کے بارے میں بتائیں گے جنہیں مائیکرو ویو میں رکھنا جان لیوا ثابت ہوسکتا ہے۔

خالی برتن:

خالی برتن رکھ کر مائیکرو ویو چلانا انتہائی خطرناک ہے، اس طرح اوون کی تمام حرارت براہ راست برتن پر پڑتی ہے جس سے آگ لگ سکتی ہے، اس کے علاوہ خالی مائیکرو ویو چلانے سے بھی یہی خطرات لاحق ہوتے ہیں۔

صابن:

صابن کو مائیکرو ویو میں رکھا جائے تو گرمی سے صابن کی نمی اور چربی پگھلنے لگتی ہے اور پورے اوون میں جھاگ بن جاتی ہے جس سے اوون خراب ہونے کا خطرہ ہوتا ہے اس کے علاوہ صابن پھٹ بھی سکتا ہے۔

پلاسٹک کی تھیلی اور کاغذ:

سینڈوچز وغیرہ اکثر کاغذ اور پلاسٹک کی تھیلیوں میں لپٹے ہوئے دیے جاتے ہیں جنھیں ایسے ہی فریج میں رکھ دیا جاتا ہے اور جب کھانا ہو تو لفافے سمیت مائیکرو ویو میں رکھ دیا جاتا ہے جو بہت غلط طریقہ ہے، اس سے نہ صرف اوون آگ پکڑ سکتا ہے بلکہ تھیلی کے مضر اثرات بھی کھانے میں سرائیت کر جاتے ہیں۔