اس معمولی سے کچرے کے تھیلے کی قیمت جان کر آپ حیران ہوجائیں گے۔

دنیا کا مہنگا ترین کچرے کا تھیلا سوشل میڈیا پر وائرل ہو گیا ہے جبکہ اسے بنانے والے برانڈ پر صارفین کی جانب سے شدید تنقید کی جا رہی ہے۔

لگژری فیشن برانڈ بالنسیاگا کی جانب سے یہ کچرے کا تھیلا تیار کیا گیا ہے جبکہ دو ماہ قبل برانڈ کو عجیب سے جوتے تیار کرنے پر سوشل میڈیا صارفین نے آڑے ہاتھوں لیا تھا۔

سوشل میڈیا صارفین کا کہنا ہے کہ پہلے پھٹے ہوئے جوتے بنائے اور اب کچرے کا تھیلا بنا ڈالا۔

اس تھیلے کی رونمائی سوسم سرما کے ملبوسات کے فیشن شو میں کی گئی جسے تین مختلف رنگوں میں بنایا گیا ہے اور یہ تھیلا 1 ہزار 790 امریکی ڈالرز کا ہے جس کی پاکستانی قیمت تقریباً 4 لاکھ 2 ہزار 356 روپے بنتی ہے۔