شوہر سے جھگڑا ہونے پر خاتون نے پالتو کتے کو گیارہویں منزل سے نیچے پھینک دیا۔

غیر ملکی میڈیا رپورٹس کے مطابق یہ حیرت انگیز واقعہ گزشتہ برس مارچ میں جنوبی کوریا کے شہر سیئول میں پیش آیا جہاں ایک جوڑے کے درمیان طلاق کا تنازع کھڑا ہوگیا تھا۔

جھگڑے کے دوران غصے میں آکر بیوی نے شوہر کے پالتو کتے کو فلیٹ کی گیارہویں منزل سے کھڑکی کے ذریعے باہر پھینک دیا جس کے نتیجے میں کتے کی موت ہوگئی تھی۔

یہ بھی پڑھیں: لاپتا کتا 2 ماہ تک غار میں کیسے زندہ رہا؟

تحقیقات کے بعد معلوم ہوا کہ خاتون نے خاوند سے مطالبہ کیا تھا کہ پالتو جانور کو گھر سے نکال دے، بات نہ ماننے پر خاتون نے شوہر کی غیر موجودگی کا فائدہ اٹھاتے ہوئے نشے کی حالت میں یہ قدم اٹھایا۔

واضح رہے کہ عدالت کی جانب سے خاتون پر پالتو جانور کے قتل کرنے پر 30 لاکھ وان یعنی 2 ہزار 470 ڈالر جرمانہ عائد کردیا گیا جبکہ جرمانہ خاوند کی جانب سے معاف نہ کرنے پر عائد کیا گیا۔