جاب انٹرویو کے دوران کئی سوالات کیے جاتے ہیں جن کا جواب امیدوار کو دینا ہوتا ہے لیکن دوران انٹرویو عمر نہیں پوچھی جاتی کیونکہ وہ پہلے ہی سی وی میں درج ہوتی ہے۔

حال ہی میں آئرلینڈ میں ایک دلچسپ واقعہ پیش آیا جہاں خاتون ریسٹورنٹ میں ڈیلیوری ڈرائیور کی نوکری کے لیے انٹرویو دینے گئی تھیں۔

  انٹرویو کے دوران خاتون سے عمر پوچھی گئی اور عمر زیادہ ہونے کی وجہ سے انکو جاب نہیں دی گئی۔

بعدازاں خاتون نے فیس بک پر پوسٹ کی جس میں لکھا تھا کہ ریسٹورنٹ انتظامیہ نے انٹرویو کے دوران میری عمر پوچھی اور لکھا کہ انہیں ڈرائیور کی نوکری ان کی جنس اور عمر کی وجہ سے نہیں ملی۔

 خاتون نے صرف یہ ہی نہیں کیا بلکہ اس ریسٹورنٹ انتظامیہ کے خلاف مقدمہ بھی درج کروا دیا جس کے بعد انتظامیہ نے عمر پوچھنے پر معافی مانگی اور 4 ہزار 250 پاؤنڈز ادا کیے۔