بھارت میں شوہر نے کھانا دیر سے دینے پر اپنی بیوی کے منہ پر جلتا ہوا توا مار دیا۔

بھارتی میڈیا رپورٹس کے مطابق یہ افسوسناک واقعہ بھارتی ریاست اترپردیش کے علاقے نوئیڈا میں پیش آیا جہاں کھانا دیر سے دینے پر انوج کمار نے اپنی بیوی کو قتل کردیا۔

میڈیا رپورٹ میں بتایا گیا کہ رکشہ ڈرائیور انوج کمار پیر کے روز جب گھر پہنچا تو کھانے میں تاخیر ہوگئی جس پر اس کا اپنی بیوی خوشبو سے جھگڑا ہوگیا۔

یہ بھی پڑھیں: کھانا دیر سے دینے پر بیٹے نے ماں کو قتل کر دیا

انوج نے تیش میں آ کر بیوی کے سر پر توا دے مارا جس کے نتیجے میں وہ موقع پر ہی جاں بحق ہوگئی۔

اہلِ علاقہ نے اس واقعے کی اطلاع فوری طور پر پولیس کو دی جس کے بعد فوراً حرکت میں آ گئی اور رکشہ ڈرائیور انوج کمار کو حراست میں لے لیا۔

یہ بھی پڑھیں: ٹی وی بند کرنے پر بہو نے ساس کی تین انگلیاں کاٹ لیں

پولیس کا کہنا ہے کہ میاں بیوی بہار سے کام کے سلسلے میں نوئیڈا منتقل ہوئے تھے اور گزشتہ 5 برسوں سے نوئیڈا میں رہائش پذیر تھے۔