عمان میں چار منزلہ عمارت گرنے کے بعد ملبے میں پھنسی شیر خوار بچی معجزاتی طور پر بچ گئی۔

غیر ملکی خبررساں ادارے کی رپورٹ کے مطابق عمان کے جبل الویبدہ میں چار منزلہ عمارت گرنے کے تیس گھنٹے بعد شیر خوار بچی کو ملبے سے زندہ نکال لیا گیا۔

رپورٹ کے مطابق چار ماہ کی بچی کو طبی امداد کے لیے اسپتال منتقل کردیا گیا ہے جس کی شناخت ملک کے نام سے ہوئی ہے۔

لحظة اخراج الطفلة ملاك من تحت الانقاض .. لحظات لن تنسى في ذاكرتنا وصورة ملاك ذات الاربعة شهور ستبقى ايقونة للامل والحياة ،،،#الأمن_العام #الدفاع_المدني #الأردن pic.twitter.com/8XQmhxx511

Advertisement

— الدفاع المدني الاردني (@JoCivilDefense) September 14, 2022

وائرل ویڈیو میں دیکھا جاسکتا ہے کہ ریسکیو اہلکار ملبے سے بچی کو نکالنے پر محفوظ مقام پر منتقل کررہے ہیں جبکہ اس سانحے میں 14 افراد ہلاک ہوئے ہیں۔

والدہ بچی کو اپنی دوست کے پاس عمارت کے تہہ خانے میں چھوڑ گئی تھی کیونکہ انہیں کاروبار کے لیے آرڈر ڈیلیور کرنا تھا کہ اچانک عمارت گر گئی۔

والدہ نے میڈیا سے گفتگو کرتے ہوئے کہا کہ مجھے یہ احساس تھا کہ وہ زندہ ہے اور میرے شوہر نے مجھے یقین دلایا تھا کہ وہ ہمارا انتظار کر رہی ہے۔