آج کل تقریباً ہر گھر میں موٹرسائیکل موجود ہے اور لوگوں کا ماننا ہے کہ بائیک کا سفر  گاڑی کے مقابلے میں زیادہ اچھا ہوتا ہے کیوں کہ انسان باآسانی کہیں بھی جا سکتا ہے۔

آج ہم آپ کو بتائیں گے کہ موٹرسائیکل کا پیٹرول کیسے بچا سکتے ہیں۔

سختی سے ایکسیلیٹر کو دبانا پیٹرول تیزی سے ضائع کرتا ہے، کوشش کریں کہ ایکسیلیٹر کا استعمال نرمی کے ساتھ کریں ورنہ موٹرسائیکل میں کوئی بڑی خرابی بھی ہو سکتی ہے۔

اگر آپ موٹرسائیکل کو چلاتے وقت ایک رفتار پر رکھیں تو آپ باآسانی پیٹرول بچا سکتے ہیں لیکن اگر آپ ایک اسپیڈ میں بائیک نہیں چلاتے تو اس سے بائیک پیٹرول زیادہ پینا شروع کردیتی ہے۔

بریک کو بار بار دبانے سے پرہیز کریں، ورنہ انجن پر فرق پڑتا ہے اور اس سے بائیک پیٹرول زیادہ پیتی ہے۔

 بار بار گئیر تبدیل کرنا اور ایکسیلیٹر اور کلچ کو دبانا پیٹرول ضائع ہونے کا سبب بنتا ہے تو کوشش کریں کہ لور گئیر کو زیادہ دیر تک استعمال نہ کریں۔

 موٹرسائیکل کا استعمال کرتے ہوئے اس بات کا خاص خیال رکھیں کہ ائیر فلٹر کو بلاک ہونے سے روکیں۔