فرانس میں ایک بوڑھا اسپائیڈر مین بلند ترین عمارت پر چڑھ گیا، جس کی ویڈیو سوشل میڈیا پر وائرل ہو گئی ہے۔

عالمی خبر رساں ادارے کی رپورٹ کے مطابق کوہ پیمائی کا شوق رکھنے والے 60 سالہ فرانسیسی شہری ایلین رابرٹ ٹور ٹوٹل انرجی کی 48 منزلہ عمارت پر بغیر کسی اضافی مدد کے چڑھ گیا ۔

اس شخص نے اپنی 60 ویں سالگرہ پر 613 فٹ بلند ترین عمارت کو آسانی سے عبور کرلیا۔

ایلین رابرٹ نے 187 میٹر بلند عمارت کو صرف 60 منٹ (ایک گھنٹے) میں عبور کیا اور اوپر پہنچ کر فتح کے جذبے سے سرشار اپنے ہاتھوں کو بلند کرکے اپنی کامیابی کا اعلان کیا۔

Advertisement

Alain Robert climbed the 48-story Tour TotalEnergies building in Paris to celebrate his 60th birthday. 'I want to send people the message that being 60 years old is nothing. You can still do sport, be active, do fabulous things,' he said https://www.bolnews.com/urdu/amazing/2022/09/596418/amp/ pic.twitter.com/CuWQSENyCM

— Reuters (@Reuters) September 18, 2022

یہ ویڈیو دیکھنے کے بعد سوشل میڈیا صارفین نے ایلین رابرٹ کے اس کارنامے کو سراہتے ہوئے اسے “فرانسیسی اسپائیڈر مین” کا لقب دے دیا۔

ویڈیو میں دیکھا جاسکتا ہے کہ اس شخص نے اسپائیڈر مین جیسا لال لباس بھی پہن رکھا ہے۔

اس سے قبل بھی رابرٹ نے ٹور ٹوٹل انرجی ٹاور پر چڑھ کر لوگوں کو حیرت میں ڈال دیا تھا ان کی اس مہم جوئی کا مقصد موسمیاتی عمل کے بارے میں عوامی بیداری کو بڑھانا تھا۔