کھانے میں بریانی نہ بنانے پر سفاک شوہر نے غصے میں آکر بیوی کو چاقو مار دیا۔

تفصیلات کے مطابق یہ افسوسناک واقعہ بھارت کی ریاست مہار اشٹر کے ضلع لاتور میں پیش آیا جہاں نشے میں دھت شوہر نے بریانی نہ پکانے پر اپنی بیوی کو تیز دھار آلے سے شدید زخمی کر دیا۔

پولیس کا کہنا ہے کہ وکرام ونایک نامی شخص کے خلاف مقدمہ درج کر کے ملزم کی تلاش شروع کر دی گئی ہے۔

پولیس کے مطابق نشے میں دھت ملزم 31 اگست کی شام گھر پہنچا اور کھانے میں چکن بریانی نہ پکانے پر بیوی سے جھگڑا کیا، اس نے بیوی کو مارا اور پھر چاقو سے زخمی کر دیا۔

اس دوران وکرام ونایک کے اہلِ خانہ نے مداخلت کی لیکن وہ کسی کی بات سننے کو تیار نہ تھا۔

اہل خانہ نے موقع پر خاتون کو زخمی حالت میں قریبی اسپتال منتقل کیا۔

پولیس نے بتایا کہ وکرام ونایک کی تلاش جاری ہے، وہ پولیس کے خوف سے گھر چھوڑ کر کہیں بھاگ گیا ہے۔