بھارت میں ایک حیرت انگیز واقعہ اس وقت پیش آیا جب ایک کوبرا سانپ نے شرابی کو کاٹا جس کی ویڈیو سوشل میڈیا پر وائرل ہوگئی۔

کوبرا، جو عام طور پر پائے جاتے ہیں، دنیا کے خطرناک ترین سانپوں میں سے ایک ہیں یہ انتہائی زہریلے ہوتے ہیں اور ان کے کاٹنے سے  کوئی بھی مر سکتا ہے لیکن اس نشے میں دھت آدمی کا دعویٰ ہے کہ ایک کنگ کوبرا خود ہی اسے کاٹنے سے مر گیا۔

اتر پردیش کے کشی نگر کے ایک ضلع اسپتال کے ایمرجنسی وارڈ میں ایک شخص عجیب شکایت لے کر پہنچا۔

اس نے دعویٰ کیا کہ ایک کنگ کوبرا نے اسے دو بار اس کے جسم پر کاٹا اور آدمی کے بجائے سانپ جلد ہی مر گیا اس بات کو ثابت کرنے کے لیے وہ مردہ سانپ کو پولی تھین میں اپنے ساتھ اسپتال لے آیا۔

ویڈیو سوشل میڈیا پر وائرل ہوئی تو صارفین کی جانب سے مزاحیہ تبصروں کا سلسلہ شروع ہوگیا۔