بھارت اور نیدرلینڈ کے درمیان کھیلے گئے ٹی ٹوئنٹی ورلڈ کپ کے میچ کے دوران اسٹیڈیم میں لڑکے نے اپنی گرل فرینڈ کو شادی کی پیشکش کردی۔

تفصیلات کے مطابق انٹرنیشنل کرکٹ کونسل (آئی سی سی) کی طرف سے شادی کی پیشکش کی وڈیو انسٹاگرام پر اپلوڈ کی گئی ہے جسے لوگ پسند کررہے ہیں۔

وڈیو میں دیکھا جاسکتا ہے جب لڑکے نے پروپوز کیا تو لڑکی نے بغیر کسی ہچکچاہٹ کے ہاں کردیا۔

یہ خوشگوار واقعہ میچ میں دوسری اننگز کے ساتویں اوور کے موقع پر پیش آیا جب بھارت کو میچ پر مکمل کنٹرول تھا۔

اسی طرح کا ایک واقعہ 2021 میں آئی پی ایل کے دوران پیش آیا تھا جب چنائے سوپر کنگز کے بولر دیپک چاہر نے اپنی گرل فرینڈ کو اسٹینڈز پر پروپوز کیا تھا۔