سحر طاری کر دینے والی چاند کی تصویر سوشل میڈیا پر وائرل ہوگئی ہے۔

حال ہی میں فلکیاتی فوٹوگرافر نے 8 انچ کی ٹیلی اسکوپ سے چاند کی واضح تصاویر لی جس کو دیکھ کر سب حیران ہوگئے ہیں۔

ایرانی نژاد امریکی دریا کاوا مرزا نے چاند کی کُل 360 تصاویر لیں پھر انہیں ملا کر ایک تصویر تشکیل دی جس میں چاند پر پڑنے والی سورج کی روشنی چاند پر موجود لاتعداد گڑھوں اور مختلف نشانات کو واضح کر رہی ہیں۔

تصویر میں دیکھا جاسکتا ہے کہ زمین سے سُرمائی اور سفید نظر آنے والا چاند صرف دو رنگوں پر مشتمل نہیں ہوتا بلکہ نیلے اور سرخ سمیت دیگر مختلف ہلکے رنگ بھی اس میں موجود ہوتے ہیں۔

یہ تصویر سوشل میڈیا پر تیزی سے وائرل ہوگئی ہے جبکہ صارفین اس پر مختلف تبصرے کر رہے ہیں۔