کیا آپ جانتے ہیں کہ جھوٹی مسکراہٹ بھی آپ کے کام آسکتی ہے؟ مگر کیسے اس کے بارے میں آج ہم آپکو بتاتے ہیں۔

ایک تحقیق کے مطابق انسانی جسم پر آنے والی تبدیلیوں کا اثر دماغ پر بھی ہوتا ہے۔

ماہرین نے اس تحقیق کے لیے دنیا کے 19 مختلف ممالک سے تین ہزار آٹھ سو 78 افراد کو شامل کیا، ان افراد میں نصف کو اپنے منہ پر گعلی مسکراہٹ سجانے کی ہدایت دی گئی جبکہ باقی نصف کو ان کے منہ میں قلم رکھ کر کسی کتے، بلی کے بچوں یا خوشگوار پھلوں کی تصویر دیکھنے کے لیے کہا گیا۔

محققین نے کہا کہ یہ جاننا ضروری ہے کہ مسکراہٹ کو کیسے جعلی بنایا جائے کیونکہ قلم کو منہ میں رکھ کر مختلف خوشگوار چیزوں کو دیکھ کر جعلی مسکراہٹ کا طریقہ کار غیر مؤثر ثابت ہوا اور شرکاء تحقیق کو دانتوں پر دباؤ پڑنے سے وہ تکلیف کا شکار ہوگئے جبکہ حقیقی مسکراہٹ میں، دانتوں پر دباؤ نہیں ہوتا ہے اور نہ ہی چپکتے ہیں۔

دوسری جانب قلم کے بغیر اپنے چہروں کے پٹھوں کو اسی طرح حرکت دے کر جیسے ہم مسکراتے وقت دیتے ہیں، لبوں پر جعلی مسکراہٹ سجانے والے افراد نے حقیقی خوشی محسوس کی۔

اس تحقیق سے معلوم ہوا کہ جس طرح دل کی ڈھڑکن خوف یا خوشی کے احساسات کو اُجاگر کرتی ہیں اسی طرح مذکورہ تبدیلیاں دماغ کو موڈ اور جذبات کے حوالے سے سوچنے پر مجبور کردیتی ہیں۔

ایسے ہی ایک جھوٹی مسکراہٹ دماغ کو دھوکہ دے کر حقیقی خوشی کو جنم دے سکتی ہے، جذبات کا شعوری اظہار حقیقی خوشی کو جنم دے سکتی ہے۔

ماہرین کا کہنا ہے کہ اگر کوئی شخص ہر کوئی اپنی بھنویں چڑھا کر رکھتا ہے تو اس کے اندر غصے کے جذبات پیدا ہوجاتے ہیں اسی طرح مسکراہٹ کے ساتھ بھی ہے۔