سوشل میڈیا پر اکثر ایسی ویڈیوز وائرل ہوجاتی ہیں جو دیکھنے والوں کو ہنسنے پر مجبور کر دیتی ہیں۔

سوشل میڈیا پر ویڈیو میں دیکھا جاسکتا ہے کہ ایک پاکستانی دولہے نے شادی پر نوٹوں کا سب سے بڑا ہار پہننے کا غالباً ریکارڈ قائم کر دیا۔

وائرل ویڈیو میں دولہا نے اتنا بڑا ہار پہن رکھا ہے کہ اسے سنبھالنے اور اٹھا کر چلنے کے لیے دونوں طرف شہ بالے موجود ہیں۔

ہار کی لمبائی اور چوڑائی 10 فٹ سے زائد ہے، اور اس میں دس دس روپے کے ہزاروں نوٹ لگے ہیں۔

اس ویڈیو کو سوشل میڈیا کی جانب سے بہت پسند کیا جارہا ہے اور مختلف تبصروں کا سلسلہ جاری ہے۔