پروازوں میں بچوں کے ساتھ سفر کرنا انتہائی مشکل ہوتا ہے کیونکہ زیادہ تر والدین اپنے بچوں کے رونے یا پروازوں میں شرارت کرنے کے حوالے سے فکر مند ہوتے ہیں۔

حال ہی میں ایک ویڈیو سوشل میڈیا پر وائرل ہو رہی ہے جس میں دیکھا جاسکتا ہے کہ پرواز کے دروان ایک بچی شرارت کرتے ہوئے پلاسٹک کے فوڈ ٹرے پر چھلانگ لگا رہی ہے۔

طیارے میں تفریحی کرتے ہوئے بچی کی ویڈیو سوشل میڈیا پر وائرل ہوگئی جس میں بچی کو فوڈ ٹرے ٹیبل پر ننگے پاؤں چھلانگ لگاتے دیکھا گیا ہے جبکہ اس ویڈیو کا عنوان جنگلی بچے کے نام سے رکھا گیا ہے۔

اس ویڈیو پر ایک صارف نے تبصرہ کرتے ہوئے کہا کہ “میں حیران ہوں کہ بچی کے والدین نے اسے ایک بار بھی نہیں روکا، یہ دیکھنے کے بعد ایسا محسوس ہوا کہ اس بچی کے والدین اسے روکنے میں ناکام ہے اور اسے یہ کرنے کی اجازت دے رہے ہیں”۔

ایک اور صارف کا کہنا تھا کہ “اکیلے سفر کرنے والے نوجوانوں کے لیے کوئی الگ پرواز ہی نہیں ہے” جبکہ ایک اور صارف نے بچے کے حق میں کہا کہ “اس طرح کے والدین بنیں، یہ صرف ایک بچہ ہے اسے بچہ ہی رہنے دیں اور چیل کریں”۔