سوشل میڈیا پر اکثر ایسی ویڈیوز وائرل ہوجاتی ہیں جو دیکھنے والوں کو خوفزدہ کردیتی ہیں۔

بھارت کی ایسی ہی ایک ویڈیو میں بھوکی شیرنی ایک تقریب میں داخل ہوتی ہے اور درخت پر چڑھ کر اپنی جان بچانے والے شخص کا شکار کرنے درخت پر ہی چڑھ جاتی ہے۔

کئی برس پرانی ویڈیو حال ہی میں انسٹاگرام پر لائنز ہیبی ٹیٹ نامی پیج نے دوبارہ شیئر کی ہے جس کو اب تک لاکھوں افراد دیکھ چکے ہیں۔

ویڈیو میں دیکھا جاسکتا ہے کہ ایک درخت پر خونخوار شیرنی چڑھتی ہے اور وہ وہاں پہلے سے موجود شخص پر حملہ آور ہونے کی کوشش کرتی ہے۔

شیرنی کو اوپر آتا دیکھ کر وہ شخص مزید اوپر چڑھتا ہے اور جواب میں اسے لاتیں مار کر نیچے دھکیلنے کی کوشش کرتا ہے۔

اس وائرل ویڈیو کو دیکھنے کے بعد سوشل میڈیا صارفین کی جانب سے ملے جلے تبصروں کا سلسلہ جاری ہے۔