بلی کے خود ہی اپنی ٹوٹی ٹانگ کا علاج کروانے اسپتال پہنچنے کی ویڈیو نے سوشل میڈیا صارفین کوجذباتی کردیا ہے ۔

سوشل میڈیا پر بلی کی ایک ویڈیو وائرل ہو رہی ہے جس نے سب کی توجہ اپنی جانب کر لی ہے۔

جی ہاں ، وائرل ہونے والی بلی کی ویڈیو میں دیکھا جاسکتا ہے کہ ایک بلی کی ٹانگ میں کچھ چوٹ لگ گئی ہے جس کی وجہ سے اس کی چال میں بھی فرق نظر آرہا ہے۔

سی سی ٹی وی کی وائرل ہونے والی ویڈیو ایک ترکی کے اسپتال کی ہے جہاں بلی اپنے ٹانگ ٹھیک کروانے کے لیے خود ہی چلی جاتی ہے۔

ویڈیو میں دیکھا گیا کہ بلی اسپتال میں جب تک گھومتی رہی جب تک کوئی اس کی مدد کو نہیں آیا۔

تاہم نرس ابوزر اوزدیمیر نے بلی کو جیسے ہی دیکھا تو فوراً اس کی مدد کے لیے آگے بڑھے۔

ویڈیو میں بھی اسپتال کے اسٹاف کو زخمی بلی کا اعلاج کرتے ہوئے دیکھا جا سکتا ہے۔

وائرل ہونے والی اس ویڈیو کو سوشل میڈیا صارفین کی جناب سے بہت پسند کیا جا رہا ہے۔

سوشل میڈیا صارفین کی جانب سے بلی کی اس ویڈیو پر متعدد کمنٹس بھی کیے جا رہے ہیں۔

ایک صارف نے اس ویڈیو پر کمنٹ کرکے کہا کہ یہ بلی تو بہت سمجھدار ہے۔

جبکہ  ایک صارف نے ترکی کے اسپتال کے اسٹاف کی تعریف کی کہ انہوں نے بلی کو وہاں سے بھگانے کے بجائے اس کی ٹانگ پر بینڈیچ کی اوراس کی مدد کی۔

واضح رہے کہ سوشل میڈیا پر اکثر جانوروں کی ایسی ویڈیوز وائرل ہو جاتی ہیں جو کبھی صارفین کو خوفزدہ تو کبھی جزباتی کر دیتی ہیں۔