بے روزگاری بہت بُری پریشانی ہوتی ہے اور اس وجہ سے انسان مختلف ٹینشن میں مبتلا ہو کر کچھ غلط فیصلے بھی کر لیتا ہے۔

لیکن آج اس خبر میں ہم آپ کو ایک ایسے بے روزگار کے بارے میں بتائے گے  جس نے بے روزگاری کے باوجود کوئی غلط قدم نہیں اُٹھایا  بلکہ ایسا کام کیا کے سوشل میڈیا صارفین کی توجہ اپنی جانب کر لی۔

دبئی کی سڑکوں پر ایک آدمی نے ٹریفک سنگنل پر رُکی گاڑیوں میں موجود لوگوں کو اپنے سی وی منفرد انداز میں دے دی۔

جی ہاں اس شخص نے سی وی کے ساتھ ایک چاکلیٹ بھی سب کو دی جس کی وجہ سے یہ شخص سوشل میڈیا پر  وائرل ہو گیا۔

تاہم سی وی میں اُس شخص نے لکھا تھا کہ اگر آپ مجھے نوکری دلانے میں مدد کرتے ہیں تو میں آپ کا مشکور رہوں گا۔

سی وی میں اس شخص کا نام اور رابطے کی تمام  تفصیلات بھی درج تھیں۔

اس شخص کا نام مسٹر موکلاتی ہے جس نے سی وی میں لکھا تھا کہ لنکڈ ان اکاؤنٹ پر بھی سی وی پوسٹ کی تھی تاہم  ناکامی رہی اس وجہ سے ایسا کرنے کا سوچا۔

سوشل میڈیا پر وائرل ہونے اس انداز سے سی وی دینے والے شخص کو صارفین کی جانب سے بہت پسند کیا جا رہا ہے۔

ایک شخص نے اس کی پوسٹ پرکمنٹ کرتے ہوئے کہا کہ ایک چیز پر یقین رکھو، کوئی بھی چیز مستقل نہیں ہوتی، اگر اب آپ کا برا وقت ہے تو یہ زیادہ دیر نہیں رہے گا اور اچھا وقت بھی عنقریب آئے گا۔

واضح رہے کہ یہ واقع دبئی مرینا ٹریفک سگنل پر دیکھا گیا تھا جہاں بے روز گار شخص  لوگوں کو منی چاکلیٹ بار کے ساتھ اپنا سی وی دیتا ہوا دیکھا گیا۔