گنیز بک آف ورلڈ ریکارڈز نے باضابطہ طور پر 1995 میں پیدا ہونے والی فلوسی کو دنیا کی معمر ترین زندہ بلی کے طور پر تسلیم کیا ہے۔

26 سال کی عمر میں، پالتو جانور کی عمر 120 انسانی سالوں کے برابر ہے۔ 10 نومبر کو بھوری اور کالی بلی 26 سال اور 316 دن کی عمر میں ریکارڈ بک میں داخل ہوئی، جب تنظیم نے چیریٹی کیٹس پروٹیکشن کے ساتھ مل کر اس کو  ریکارڈ سے  نوازا۔

گنیز ورلڈ ریکارڈز کی جانب سے جاری کردہ ایک بیان میں کہا گیا ہے کہ اس پالتو بلی کی اگرچہ نظر اور سماعت کمزور ہے لیکن یہ پھر بھی  اچھی صحت میں ہے۔

ایک رپورٹ کے مطابق، فلوسی کی زندگی کا آغاز ایک بے گھر بلی کے طور پر ہوا، وہ مرسی سائیڈ ہسپتال کے قریب بلیوں کی کالونی میں رہ رہی تھی، جب ایک خاتون اسے گھر لے گئی۔

فلوسی اس عورت کے ساتھ 10 سال تک رہی یہاں تک کہ وہ خاتون مر گئی، اور بلی کو اس کی بہن نے گود لے لیا۔

رپورٹ میں مزید کہا گیا کہ فلوسی 14 سال تک خاتون کے ساتھ رہی یہاں تک کہ وہ بھی مر گئی۔

بلی کو کیٹس پروٹیکشن چیریٹی میں ایک تجربہ کار سینئر بلی کی دیکھ بھال کرنے والا اور ایگزیکٹو اسسٹنٹ وکی گرین کے ساتھ دوبارہ گھر لایا گیا۔