بھارت میں ایک عجیب و غریب واقعہ اس وقت پیش آیا جب دولہن کو اس کے سسرال والوں نے لہنگا تحفے کے طور پر بھیجا لیکن وہ لہنگا دولہن کو بلکل پسند نا آیا اور اس نے شادی سے انکار کردیا۔

پولیس نے بتایا کہ اتراکھنڈ کے ہلدوانی میں ایک خاتون نے اپنی شادی اس لیے منسوخ کر دی کیونکہ اسے اس کے سسرال والوں کی طرف سے تحفے میں دیا گیا لہنگا پسند نہیں تھا۔

شادی سے کچھ دن پہلے خاتون نے اپنے منگیتر سے رشتہ توڑ دیا، دولہے کے والد نے لکھنؤ سے 10،000 روپے کا لہنگا منگوایا تھا۔ دولہے کے والد نے اسے اپنی بہو کے پاس بھیجا تاہم دلہن نے کہا کہ اسے یہ پسند نہیں آیا۔

اس کے بعد معاملہ بڑھ گیا اور خاتون نے اپنے منگیتر سے شادی کرنے سے انکار کر دیا جس کا تعلق الموڑہ سے ہے۔

دونوں نے رواں سال جون میں منگنی کی تھی اور شادی 5 نومبر کو طے تھی جس کے لیے دولہے کے اہل خانہ نے پہلے ہی کارڈ پرنٹ کروا لیے تھے۔