بھارتی ریاست اندھرا پردیش کے اڈوادالا پالم گاؤں میں کھیت میں بورویل کی پائپ لائن کھودتے ہوئے ایک مٹی کے برتن میں سونے کے تقریباً 18 سکے برآمد ہوئے۔

یہ کھیت منڈل کے اڈوادالا پالم گاؤں میں مانوکونڈا ستیہ نارائنا کا تھا، مٹی کے برتن میں سونے کے 17 سکے ملے جس کے بعد میں ایک اور سکہ برآمد ہوا۔

فارم کے مالک نے تحصیلدار کو اطلاع دی جنہوں نے فارم پہنچ کر تفصیلات اکٹھی کیں۔

گاؤں والوں کی موجودگی میں کھیت کے مالک کا بیان لیا گیا اور مٹی کے برتن سمیت سونے کے سکے ضبط کر لیے گئے۔

کویالا گوڈیم کے تحصیلدار پی ناگمانی نے بتایا کہ ستیہ نارائنا کے پام آئل فارم میں سونے کے 61 گرام وزنی کل 18 سکے ملے ہیں۔ اس نے ہمیں اطلاع دی اور ہم کھیت میں چلے گئے اور سونے کے سکوں کے بارے میں دریافت کیا اور ہم نے سکے جمع کر لیے۔

 انہوں نے کہا کہ سونے کے سکوں کو دفتر میں ضلع کلکٹر کے حوالے کر کے خزانے میں جمع کرایا جائے گا تاہم ہم نے اس واقعہ کے بارے میں محکمہ آثار قدیمہ کو آگاہ کر دیا ہے۔