محکمہ موسیات نے بتایا ہے کہ سال 2023 میں 2 بار سورج کو گرہن لگے گا۔

محکمہ موسمیات کے مطابق سال 2023 میں 2 مرتبہ سورج گرین ہوں گے جو پاکستان میں نہیں دیکھے جاسکیں گے۔

پہلا سورج گرہن

محکمہ موسمیات کا کہنا ہے کہ سال 2023 کا پہلا سورج گرہن 20 اپریل 2023 کو ہوگا جس کا کل دورانیہ 4 گھنٹے 23 منٹ ہوگا۔

سورج کو گرہن لگنے کا آغاز پاکستانی وقت کے مطابق صبح 6 بج کر 34 منٹ ہوگا جب کہ مکمل گرہن 9 بج کر 17 منٹ پر لگے گا اور اختتام 10بج کر 57 منٹ پر ہوگا۔

دوسرا سورج گرہن

سال 2023 کا دوسرا جزوی سورج گرہن 14 اور 15 اکتوبر کو لگے گا جس کا آغاز پاکستانی وقت کے مطابق رات 8 بج کر 5 منٹ پر ہوگا۔

سورج کو مکمل گرہن رات 10 بج کر 59 منٹ پر لگے گا جب کہ اگلے دن یعنی 15 اکتوبر کو رات 12 بج کر 50 منٹ پر ختم ہوگا، جزوی سورج گرہن کا کل دورانیہ 5 گھنٹے 54 منٹ ہوگا۔

پاکستان سمیت ایشیائی ممالک میں رات ہونے کی وجہ سے اس کا نظارہ نہیں کیا جاسکے گا جب کہ امریکا، کینیڈا اور برازیل سمیت دیگر مغربی ممالک میں یہ سورج گرہن مکمل دیکھا جاسکے گا۔

واضح رہے کہ اس جزوی سورج گرہن کو رنگ آف فائر کا نام دیا گیا ہے۔