چینی خاتون (Zhang) نے اپنے سابق شوہر پرالزام لگایا کہ وہ روز ہر شام کو مچھلی کے شکار پر نکل جاتا ہے۔

چین کے صوبے شینڈونگ ( Shandong ) سے تعلق رکھنے والی خاتون زاہنگ نے عدالت میں طلاق کی درخواست دی۔

خاتون نے اپنے دس سالہ تعلق کو توڑنے کی انوکھی وجہ بتائی ۔ خاتون کا کہنا تھا کہ وہ اپنے گھر کے تمام کام خود کرتی ہے جبکہ اپنے دو بچوں کی دیکھ بھال بھی کرتی ہے۔ جبکہ اس کا شوہر سارا دن صوفے پر بیٹھ کر فون استعمال کرتا ہے۔

ہر شام کھانے کے بعد اس کا شوہر اپنے دوستوں کے ہمراہ مچھلی کے شکار پر نکل پڑتا ہے۔ زاہنگ کا کہنا ہے کہ اس نے فیصلہ کیا ہے کہ اس کا واحد حل طلاق ہی ہے۔

زاہنگ کا کہنا تھا کہ وہ روز 6 بجے ناشتہ تیار کرتی ہے، اپنے کام پر جانے سے پہلے وہ بچوں کو اسکول کے لیے تیار کرکے اسکول چھوڑتی ہے۔ ہر دن برتن دھونا ، گھر کی صفائی ،بچوں کو اسکول سے گھر لانا اور انہیں اسکول کے کام میں مدد کرنا اسکی ذمہ داری ہے۔

انہوں نے کہا کہ میں بالکل تھک چکی ہوں۔

زاہنگ کا مزید کہنا تھا کہا کہ ناشتہ تیار کرنے کے بعد اس کا شوہر جاگتا ہے ، کام کے بعد وہ صوفے پر لیٹا رہتا ہے اور موبائل سے کھیلتا ہے۔

عورت نے یہ بھی کہا کہ رات کے کھانے کے بعد وہ مچھلی کے شکار پر چلے جاتا ہے، اور اسکے شوہر کی ساری رات اسی مشغلے میں گزر جاتی ہے۔

عدالت نے میاں بیوی کے درمیان صلح کی کوشش کی تاہم زاہنگ کے شوہر نے ماہی گیری کو ترجیح دی ۔ جس کے بعد دونوں کی طلاق کی درخواست کو منظور کرلیا گیا۔