آج ہم آپکو مچھروں کو مارنے اور گھر سے ہمیشہ کیلئے بھگانے کا نہایت ہی آسان طریقہ بتائیں گے۔

مچھر کے کاٹنے سے ہم ملیریا اور ڈینگی جیسی بیماریوں میں مبتلا ہو سکتے ہیں جس سے ہماری صحت پر بھی اثر پڑتا ہے۔

تو اب تین ایسے آسان طریقے جان لیں جو آپکے کام آئیں گے۔

مچھر مار تیل

سب سے پہلے 100 ملی لیٹر نیم کے تیل میں ایک چمچ جلانے والی کافور کو پیس کر اس کا پاؤڈر شامل کریں۔

پھر اس مکسچر کو ایک اسپرے بوتل میں ڈال دیں۔

اب دو سے تین تیز پتوں پر اس تیل کا اسپرے کر کے ان پتوں کو جلا دیں۔

اسکے دھوئیں سے ایک منٹ کے اندر مچھر بھاگ جائیں گے۔

دِیا جلانا

نیم کے تیل اور کافور کے پاؤڈر سے بنائے ہوئے تیل کو ایک دِیئے میں ڈال کر اسے اپنے بستر کے پاس جلا کر رکھ دیں۔

اس کے دھوئیں سے نکلنے والی کافور اور نیم کی خوشبو مچھروں کو آپ کے پاس نہیں آنے دے گی۔

سفر کے دوران مچھروں سے بچنے کیلئے

جب بھی آپ کسی دور کے سفر پر جاتے ہیں اور راستے میں مچھر آپکو پریشان کرتے ہیں تو اس کے لئے نیم کا تیل، ناریل کا تیل، لانگ کا تیل، نیل گِری کا تیل اور پیپر منٹ آئل کو آپس میں ملا کر ایک تیل تیار کرلیں۔

تیل کو ایک چھوٹی سی بوتل میں بھر کر اپنے پاس رکھیں اور باڈی آئنمنٹ کے طور پر استعمال کریں۔ اس تیل کی اسڑونگ خوشبو سے مچھر آپکے آس پاس بھی نہیں آئیں گے۔