ہمیں سوشل میڈیا پر اکثر ایسی ویڈیوز دیکھنے کو ملتی ہیں جس میں اچانک کسی گروہ کی یا دو افراد کے درمیان بحث کے بعد لڑائی شروع ہوجاتی ہے۔

ایسی ہی ایک ویڈیو سوشل میڈیا پر وائرل ہورہی ہے جس میں طیارے میں دو مسافروں کے درمیان گرما گرم بحث دکھائی گئی ہے، جن میں سے ایک کا تعلق دہلی سے ہے لیکن اس بات کی تصدیق نہیں ہوسکی کہ یہ واقعہ کس ایئرلائن کی پرواز میں پیش آیا۔

مسافروں میں سے ایک کو اپنے ساتھی مسافر پر چیختے ہوئے دیکھا جا سکتا ہے۔ اس واقعے میں موجود شخص نے کہا، “جب میں بولتا ہوں تو کوئی نہیں بولتا۔ میں تم سے کہہ رہا ہوں، مجھ سے اس طرح بات نہ کرو۔ اس دوران، دوسرے مسافروں کو یہ کہتے ہوئے اسے پرسکون کرنے کی کوشش کرتے ہوئے دیکھا جا سکتا ہے، “اوئے ہیرو، بیٹھ جا تو”۔

سوشل میڈیا صارفین میں سے ایک نے مسافر کو تنقید کا نشانہ بناتے ہوئے کہا کہ کچھ لوگ جگہ نہیں دیکھتے اور کہیں بھی اپنا غصہ کھو بیٹھتے ہیں۔ ایسی چیزوں سے بچا جا سکتا ہے، اور اسے بہتر طریقے سے سنبھالا جا سکتا ہے۔امید ہے لوگوں کو اس بات کا احساس ہو جائے گا۔