ماں باپ تو اپنے بچوں کے لیے بہت سے قربانیاں دیتے ہی ہیں ساتھ ہی ان کی ضرورتوں کا بھی بہت خیال رکھتے ہیں لیکن بہت سے بچے بھی اپنے ماں باپ کی خواہشوں کو پورا کرتے ہیں۔

ایسی ہی ایک ویڈیو میں دیکھا جا سکتا ہےکہ ایک بچے نے اپنے والد کی سالگرہ کے موقع پرانہیں ان کی سب سے پسندیدہ بائیک دے کر حیران کر دیا۔

سوشل میڈیا پر ایک ویڈیو تیزی سے وائرل ہو رہی ہے جس میں دیکھا جا سکتا ہے کہ بیٹے نے اپنے والد کو ایک باکس تحفے میں دیا جس کے کھولنے پر اس میں سے چابی نکلی جو کہ دراصل  بائیک کی تھی۔

ویڈیو میں دیکھا جا سکتا ہے کہ والد بیٹے کی جانب سے موصول ہونے والے تحفے پر بہت خوش ہے۔

یہ ہی نہیں بلکہ والد کو اپنی من پسند بائیک پراپنی اہلیہ کے ساتھ تصویر بنواتے ہوئے بھی دیکھا جا سکتا ہے۔

انسٹاگرام پر والد کی پوسٹ کی جانے والی ویڈیو کے کیپشن میں بیٹے نے بتایا کہ ایک دن وہ اپنے والد کے ساتھ ایک شوروم گئے تھے جہاں ان کے والد کو ایک بائیک بہت پسند آئی تھی لیکن وہ اسے خریدنے سے قاصرتھے کیونکہ وہ بہت مہنگی تھی اور اتنی رقم ان کے والد کے پاس تھی بھی نہیں۔

بیٹے نے بتایا بس اُس ہی دن میں نے سوچا کہ میں اپنے والد کو یہ ہی بائیک دونگا۔ اس ہی لیے میں نے اپنے والد کی 59 ویں سالگرہ کے موقع پر انہیں اُس ہی بائیک کا تحفہ دیا جو اُنہیں شوروم میں پسند ائی تھی۔

 سوشل میڈیا صارفین کی جانب سے اس ویڈیو پر ان کے والد کو سالگرہ کی مبارک باد تو دی ہی جا رہی ہے ساتھ ہیں بہت سے سوشل میڈیا صارفین ان کے اتنے اچھے بیٹے کے ہونے پر بھی مبارک باد دے ہیش کر رہے ہیں۔

ایک صارف نے اس ویڈیو پر کمنٹ کرتے ہوئے کہا کہ آپ دونوں ہمیشہ ایسے ہیں خوش رہے۔

 جبکہ ایک  صارف نے کہا کہ آپ جیسا بیٹا ہر ایک کو ملے۔ واضح رہے کہ سوشل میڈیا پرا کثر ایسی ویڈیوز وائرل ہو جاتی ہیں جسے دیکھ کر انسان جذباتی ہو جاتا ہے۔