موسمِ سرما کے آتے ہی ہر طرف شادیوں کا سلسلہ شروع ہوجاتا ہے اور اسی دوران کچھ ایسی ویڈیوز وائرل ہوتی ہیں جنہیں صارفین کی جانب سے خوب پسند کیا جاتا ہے، اور دیکھتے ہی دیکھتے یہ ویڈیوز سوشل میڈیا پر آگ کی طرح پھیل جاتی ہیں۔

لتا منگیشکر کے گانے ’میرا دل یہ پکارے آجا‘ پر رقص کرکے مقبولیت حاصل کرنے والی لڑکی عائشہ کے بعد ایک ویڈیو اور وائرل ہوئی ہے جس میں ایک بڑی عمر کے جوڑے کو بپاشا باسو اورسیف علی خان کے گانے پر رقص کرتے ہوئے دیکھا جاسکتا ہے۔

وائرل ویڈیو میں دیکھا جاسکتا ہے کہ خاتون نے نارنجی رنگ کا لہنگا زیب تن کیا ہوا ہے جبکہ ان کے ساتھ رقص کرتے مرد نے کلیجی رنگ کا کرتا پہنا ہوا ہے۔

یہ بھی پڑھیں: ’گڑ نالو عشق مٹھا‘؛ گلوکارہ آئمہ بیگ کی ڈانس ویڈیو وائرل

جوڑے نے یہ ڈانس لاہور میں ایک شادی کے دوران کیا۔

ویڈیو سوشل میڈیا پر وائرل ہوئی تو صارفین کی جانب سے خوب پسند کی گئی۔

کسی صارف نے کہا کہ دونوں بہت پیارے لگ رہے ہیں جبکہ کسی نے دونوں کو دعائیں دیں۔