غذائی ماہرین لوگوں کو کھانا آہستہ کھانے کا مشورہ دیتے ہیں تاہم کیمبرج میں ایک شخص کو میکڈونلڈز میں کھانا پورا کرنے میں زیادہ وقت لگانے پر 100 پاؤنڈز ادا کرنے پڑے۔

شاپور مفتاح نامی شخص نے اپنے بھائی سے نیو مارکیٹ روڈ، کیمبرج کے قریب فاسٹ فوڈ ریستوران میں ملاقات کی اور کھانے کا آرڈر دیا۔

معاملات اس وقت تک ٹھیک تھے جب تک کہ اسے ایک نجی پارکنگ کمپنی، یو کے پارکنگ کنٹرول، کی جانب سے ایم سی ڈی صارفین کو اپنی گاڑیاں پارک کرنے کے لیے مقرر کردہ وقت کی حد سے تجاوز کرنے پر جرمانے کے نوٹس موصول نہیں ہوئے۔

اس شخص نے دعویٰ کیا کہ پارکنگ کمپنی نے اسے میکڈونلڈ کے صارفین کے لیے رکھی گئی 90 منٹ کی وقت کی حد کی خلاف ورزی کرنے پر جرمانے کا ٹکٹ جاری کیا۔

اپنا غصہ نکالتے ہوئے اس شخص نے کہا کہ میکڈونلڈز کے اندر ایسا کوئی نشان نہیں ہے جس میں کہا گیا ہو کہ آپ کے پاس بیٹھنے، کھانے اور جانے کے لیے 90 منٹ ہیں۔ آپ اپنے کھانے میں جلدی نہیں کرنا چاہتے اور ہم نے کافی کھانے کا آرڈر دیا ہے۔

اور پھر پارکنگ کمپنی نے اس شخص پر 100 پاؤنڈز تقریباً 10،000 روپے جرمانہ عائد کیا۔