آج ہم آپکو بتائیں گے کہ بعض افراد کی آنکھوں سے بیٹھے بیٹھے پانی کیوں نکلتا ہے۔

حقیقی معنوں میں آنکھ سے بہنے والا ہر پانی آنسو نہیں ہوتا ہے اور نہ ہی وہ بندہ رو رہا ہوتا ہے تو سوال یہ ہے کہ رونے کے علاوہ کب کب ہماری آنکھوں سے پانی بہتا ہے اور اس کا سبب کیا ہوتا ہے؟

موسم

موسم میں ہونے والی تبدیلی آنکھوں میں تبدیلی کا سبب بھی بن سکتی ہے جس کی وجہ ہوا میں الرجی کے ذرات اور نمی کی مقدار میں تبدیلی بھی ہو سکتی ہے۔

سردی کے موسم میں جب ہمارے گھروں کا اندرونی ماحول گرم ہوتا ہے تو ہمارے اردگرد کا ماحول خشک ہو جاتا ہے جس کی وجہ سے آنکھیں نمی کی مقدار کو برقرار رکھنے کے لیے پانی خارج کرتی ہیں تاکہ آنکھوں کے لینس کو کوئی نقصان نہ پہنچے۔

الرجی

عام طور پر بہار کے موسم میں فضا میں ایسے ذرات شامل ہو جاتے ہیں جو کہ اگر آنکھ میں داخل ہوں یا سانس میں شامل ہو تو آنکھوں میں الرجی کا سبب بن جاتے ہیں اور ان کی وجہ سے آنکھوں سے پانی بہنا شروع ہو جاتا ہے۔

پنک آئی

پنک آئی آنکھ کی وائرس کے سبب ہونے والی ایک بیماری ہے جس کا علاج کسی اینٹی بایوٹک سے نہیں کیا جا سکتا ہے۔

یہ بھی پڑھیں: کیا آپ آنکھوں کے نیچے سیاہ حلقے بننے کی وجوہات جانتے ہیں؟

اس میں آنکھ پنک رنگ کی ہو جاتی ہے اور اس میں سوزش بھی ہوتی ہے جس کی وجہ سے آنکھوں سے پانی بہنا شروع ہو جاتا ہے۔

یہ تکلیف وقت کے ساتھ ساتھ خود ہی ٹھیک ہو جاتی ہے۔

نزلہ زکام

عام طور پر نزلہ زکام کی صورت میں سانس کی نالی میں سوزش ہو جاتی ہے اور اس کے اثرات آنکھ پر بھی مرتب ہو سکتے ہیں اور اس صورت میں ناک کے ساتھ ساتھ آنکھوں سے بھی پانی نکلنا شروع ہو جاتا ہے۔

یہ بھی پڑھیں: آنکھوں کے گرد سیاہ حلقوں کے لیے چند حیرت انگیز ماسک

اس کے علاوہ چھینک آنے کی صورت میں بھی آنکھوں سے پانی جاری ہو سکتا ہے۔

پیاز کاٹتے ہوئے

کچھ افراد کو پیاز کاٹتے ہوئے بھی آنکھوں سے پانی کے نکلنے کی تکلیف ہو سکتی ہے اس کا سبب یہ قرار دیا جاتا ہے کہ جب پیاز کو کاٹا جاتا ہے تو اس میں سے ایک قسم کا ایسڈ خارج ہوتا ہے جو ہوا کے ساتھ آنکھوں میں داخل ہو کر پانی کے بہنے کا سبب بنتا ہے۔

ان سب باتوں کے علاوہ آنکھ میں لگنے والی چوٹ یا کانٹیکٹ لینسز کا استعمال یا پھر میک اپ وغیرہ کے استعمال کے سبب بھی آنکھ متاثر ہو سکتی ہے اور آنکھ سے پانی بہنا شروع ہو سکتا ہے۔

یہ بھی پڑھیں: موسم سرما کے دوران جسم میں ہونے والی ان تبدیلیوں سے واقف ہیں