برطانیہ کے شہری کو ریسٹورنٹ میں 90 منٹ تک کھانا کھانا مہنگا پڑگیا۔

غیر ملکی خبر رساں ادارے کے مطابق برطانیہ کے علاقے کیمبرج میں شاپور مفتاح نامی نوجوان اپنے بھائی سے ملاقات کرنے معروف امریکی فوڈ چین کے ایک ریسٹورنٹ میں گیا۔

دونوں بھائیوں نے پہلے خوب باتیں کیں پھر کھانا آڈر کیا اور ڈیڑھ گھنٹے تک ریسٹورنٹ میں بیٹھے رہے، اس دوران ان کی گاڑی ہوٹل کی پارکنگ میں کھڑی رہی۔

یہ بھی پڑھیں؛ 2014 میں انتقال کرجانے والا شخص ریسٹورنٹ میں موجود، پُراسرار ویڈیو سوشل میڈیا پر وائرل

  تاہم 90 منٹ تک کھانا ختم نہ کرنے کی وجہ سے کسٹمر کے لیے مبینہ طور پر مختص وقت سے زیادہ ہوٹل میں بیٹھے رہنے پر انتظامیہ کی جانب سے شاپور کو پنالٹی نوٹس بھیج دیا گیا۔

دوسری جانب نوجوان کا کہنا ہے کہ ’ معروف امریکی فوڈ چین کی پارکنگ کی جانب سے مجھ پر 100 پاؤنڈ کا جرمانہ اس لیے عائد کیا گیا کہ ان کا مؤقف ہے کہ ریسٹورنٹ میں آئے کسٹمر کیلئے صرف 90 منٹ تک گاڑی کھڑی کرنے کا وقت مختص ہے ‘۔

شہری کا کہنا تھا کہ ’ ریسٹورنٹ میں کہیں نہیں لکھا کہ آپ یہاں صرف 90 منٹ تک وقت گزار سکتے ہیں، ہم نے زیادہ کھانا آرڈر کیا تھا جسے کھانے میں وقت لگا ‘۔