دنیا بھر میں موٹاپے کا شکار افراد وزن کم کرنے کیلئے نت نئے طریقے آزماتے ہیں، جس میں کچھ خوش نصیبوں کو ہی کامیابی ملتی ہے۔

 آج ہم آپ کی ملاقات ایک ایسے شخص سے کروا رہے ہیں ، جس نے دو سال میں دو ہزار انڈے کھا کر اپنا تیس کلو وزن کم کیا۔

سکاٹ لینڈ کے دارالحکومت ایڈنبرا کے رہائشی روز میک فرلین نے دیگر ڈائٹ پلانز کے ناکام ہونے کے بعد انڈوں پر مشتمل ایک ڈائٹ پلان اپنایا، جس میں پروٹین کی مقدار زیادہ تھی۔

اس ڈائٹ پلان کے تحت روز میک فرلین نے 2 سال میں 2 ہزار سے زائد انڈے کھائے۔

روز میک فرلین کا کہنا ہے کہ اس نے تمام پراسیسڈ فوڈز اور برگر وغیرہ کو اپنی خوراک سے نکال باہر کیا اور روزانہ 6 انڈے کھانے شروع کر دیئے اور ورزش کو اپنا معمول بنا لیا۔

روز میک فرلین نے بتایا کہ پہلے ایک سال میں اس کے وزن میں 25 کلوگرام کمی آئی اور دو سال بعد اس کا وزن نارمل حد تک آ گیا۔

اس کا کہنا تھا کہ پہلے میں صرف اپنی خوراک میں تبدیلی لاتا تھا، اب مجھے سمجھ آئی ہے کہ موٹاپے سے نجات کے لیے دراصل ہمیں اپنے لائف اسٹائل میں تبدیلی لانے کی ضرورت ہوتی ہے۔

یہ بھی پڑھیں: بیشتر افراد کی پسندیدہ وہ غذا جو ہارٹ اٹیک اور موٹاپے کا شکار بنا دیتی ہے