نامناسب الفاظ کا استعمال اور دوسروں کی توہین کرنے والے کو عام طور پر کہا جاتا ہے کہ اس کی زبان بہت لمبی ہے تاہم کیا آپ نے واقعی کسی ایسے شخص کو دیکھا ہے جس کی زبان انتہائی لمبی ہو۔

نہیں! تو آج ہم آپ کی ملاقات  ایک ایسے امریکی شخص سے کرواتے ہیں جس کی زبان اتنی لمبی ہے کہ ان کے پاس دنیا کی لمبی ترین زبان کا عالمی ریکارڈ بھی ہے۔

3.97 انچ لمبی زبان رکھنے والے کیلیفورنیا کے شہری نِک اسٹولبرل نے ایک مارنگ شو میں اپنی لمبی زبان سے مہارت کے ساتھ پینٹنگ کر کے دِکھائی، جس کی ویڈیو سوشل میڈیا پر کافی وائرل ہو گئی ہے۔

نِک کا کہنا تھا کہ وہ کینوس پر کچھ بنانے سے قبل اپنی زبان کو پلاسٹک سے ڈھکتے ہیں، تاکہ کلرز کے کیمیکل جسم میں نہ چلے جائیں۔