آج ہم آپکو بتائیں گے کہ ٹی شرٹ کی ایجاد کن افراد کیلئے ہوئی تھی۔

1904 میں ایک کمپنی کی جانب سے ایک اشتہار جاری کیا گیا تھا جس میں ٹی شرٹ پہنے مردوں کی تصاویر دکھائی گئی تھیں۔

ایک تصویر میں ایک مرد بٹنوں سے محروم بنیان پہنے شرمندگی سے کیمرے کی جانب سے دیکھ رہا تھا کیونکہ اسے سیفٹی پن سے جوڑا گیا تھا۔

دوسری تصویر میں ایک مرد مسکراتا ہوا نظر آیا اور جس بنیان کو اس نے پہن رکھا تھا اسے بیچلر انڈر شرٹ کا نام دیا گیا۔

اشتہار میں کہا گیا تھا کہ ایسی شرٹ جس کے لیے سیفٹی پن، بٹن، سوئی اور دھاگے کی کوئی ضرورت نہیں۔

یہ بھی پڑھیں: بعض ٹی شرٹ میں وی کی شکل کیوں بنی ہوتی ہے؟ دلچسپ وجہ جانیے

درحقیقت اس کمپنی نے اشتہار میں ایسے مردوں کو ہدف بنایا تھا جو کنوارے تھے یا انہیں سلائی کرنا نہیں آتی تھی۔

آسان الفاظ میں ٹی شرٹ کا وجود کنوارے اور سلائی کڑھائی سے ناواقف مردوں کے لیے عمل میں آیا تھا۔

اس خیال نے امریکی بحریہ کے کسی عہدیدار کو متاثر کیا کیونکہ 1905 میں امریکی بحریہ کے ملاح ایسے بنیان پہنے نظر آئے جس میں کوئی بٹن نہیں تھا۔

بتدریج یہ قمیض بحریہ کے اہلکاروں میں مقبول ہوگئی اور عام قمیضوں کی جگہ ان کا استعمال ہونے لگا۔

یہ بھی پڑھیں: جہاز کی کھڑکی میں سوراخ کیوں ہوتا ہے؟ اہم راز جانیے

ٹی شرٹ لفظ کا استعمال 1920 میں پہلی بار ہوا۔