پاکستان میں آنے والے زلزلے کی پیشگوئی پہلے ہی کرلی گئی تھی۔

اس حوالے سے برطانوی خبررساں ایجنسی کی رپورٹ کے مطابق محقق فرینک ہوگریٹس کے ادارے کی جانب سے 30 جنوری کو ایک ٹویٹ کی گئی تھی جس میں اُنہوں نے بنگلہ دیش اورچین کے علاوہ پاکستان وافغانستان کے متعدد علاقوں میں ارضیاتی سرگرمی میں اضافے کا امکان ظاہر کیا تھا۔

فرینک ہوگربیٹس نے دعویٰ کیا تھا کہ آسمان میں سیاروں کا محلِ وقوع زلزلوں کی وجہ بن سکتا ہے۔

رپورٹ کے مطابق گزشتہ روزافغانستان، پاکستان اوربھارت میں 6.8 کی شدت سے آنے والے زلزلے کے وقت ان ممالک میں اینڈرائڈ فونز استعمال کرنے والے بیشترصارفین کو زلزلے کے جھٹکوں سے چند سکینڈز قبل یا اس دوران ایک گوگل الرٹ موصول ہوا جس میں زلزلہ کی اطلاع دی گئی۔

گوگل الرٹ پر بہت سے افراد حیرت میں مبتلا ہوگئے کہ یہ کیسے ممکن ہے کہ گوگل کو زلزلہ کی پیشگی اطلاع موصول ہو گئی جبکہ زلزلے کی پیشگوئی کرنا ممکن نہیں ہے۔

not my phone giving me earthquake alert 5 minutes before it was felt and I ignored it like “isko kya pta, aesy thori zalzala ata hai” and then the whole house shaked.
ps: it’s a good feature, android. I should take it serious next time.#earthquake#earthquakeinpakistan pic.twitter.com/2cxuucpzIL

— Ayesha Baig (@AyeshaBayg) March 21, 2023

بعدازاں اس حوالے سے گوگل کے کرائسزرسپانس سینٹرکی جانب سے زلزلے سے متعلق الرٹ کے بارے میں بتایا کہ تمام سمارٹ فونزمیں چھوٹے ایکسلرومیٹرز ہوتے ہیں جو رفتاراور تھرتھراہٹ محسوس کرسکتے ہیں اوراس بات کی نشاندہی کر سکتے ہیں کہ ممکنہ زلزلہ ہو سکتا ہے۔

I’m an eyewitness. Android users got notifications on their cellphones seconds before the earthquake. This is where Google won the race. #earthquake pic.twitter.com/6E5F46axXY

— Saad Kaiser 🇵🇰 (@TheSaadKaiser) March 21, 2023

واضح رہے کہ ملک میں گزشتہ رات 6.8 شدت کے زلزلے کے باعث صوبہ خیبرپختونخوا میں کم سےکم 9 افراد ہلاک جبکہ 46 زخمی ہوئے ہیں۔ اس زلزلے کا مرکز افغانستان میں ہندوکش سلسلہ میں بتایا گیا ہے۔

 پنجاب، بلوچستان اور پاکستان کے زیر انتظام کشمیر میں کسی خاص نقصان کی اطلاع موصول نہیں ہوئی۔

 اس کے علاوہ زلزلے کے نتیجے میں اسلام آباد کے سیکٹر ای الیون میں واقع کثیرالمنزلہ رہائشی عمارت ’خداداد ہائیٹس‘ میں دراڑیں پڑی ہیں جس کے بعد اس عمارت سے رہائشیوں کا انخلا کردیا گیا تھا۔