دو غیر ملکی پیرا گلائیڈرز نے دنیا کی دوسری بلند ترین چوٹی کے ٹو کے  قریب پرواز کرکے سب کی توجہ حاصل کرلی ۔

بیلجیئم  اور اسپین سے تعلق رکھنے والے ان دو پیرا گلائیڈرز نے کے ٹو کے قریب فضائی بلندی پر پیراگلائیڈنگ کرتے ہوئے ایسے مناظر کیمرے کی آنکھ میں محفوظ کیے، جو پہلے کبھی ریکارڈ نہیں کیے گئے ۔

پیراگلائیڈرز نے بتایا کہ ‘یہ مناظر ہمیشہ میرے ذہن میں محفوظ رہیں گے، یہ پہلی بار تھا جب کے ٹو کے قریب پرواز کی گئی اور اسے ریکارڈ کیا گیا’۔

واضح رہےکہ دونوں پیرا گلائیڈرز نے یہ پرواز جولائی 2022 میں کی تھی مگر اب اس سفر کی ویڈیو جاری کی گئی ہے۔

کے ٹو کی جانب پرواز کے دوران وہ 24 ہزار 858 فٹ بلندی تک گئے مگر چوٹی تک نہیں پہنچ سکے۔

انہوں نے ایک ہفتے بعد پھر کوشش کی مگر دوسری بار بھی وہ چوٹی کے اوپر پرواز نہیں کرسکے۔