بھارت میں عین موقع پر دلہن نے شادی سے انکار کردیا جس کی وجہ انتہائی حیران کُن ہے۔

حال ہی میں بھارت کی شمالی ریاست بہار میں ایک شادی کی تقریب منقعد ہوئی جس میں دلہا خود اپنی شادی میں جانا بھول گیا۔

رپورٹ کے مطابق ریاست بہار کی سلطان گنج کے ایک گاؤں میں شادی کی تیاریاں اپنے عروج پر تھیں جبکہ بھاگلپور سے بارات آنے والی تھی لیکن دلہا شادی سے پہلے نشے میں دھت ہوگیا جس کی وجہ سے وہ اپنی شادی میں نہیں پہنچ سکا۔

یہ بھی پڑھیں: بھانجی کی شادی پر ماموں کی طرف سے انوکھا تحفہ؛ باراتی حیران رہ گئے

رپورٹ میں بتایا گیا کہ جب دلہے کا نشہ اترا تو وہ اپنی دلہن لینے اس کے گھر پہنچا تو دلہن نے ہی شادی سے انکار کردیا۔

دلہن کا کہنا تھا کہ اس لڑکے کو اپنی ذمہ داری کا احساس نہیں اور میں ایک شرابی کے ساتھ زندگی نہیں گزار سکتی اس لیے میں اس شادی سے انکار کرتی ہوں۔

رپورٹ کے مطابق لڑکی کے گھر والوں نے شادی کے انتظامات میں جو بھی خرچہ ہوا تھا اسے دلہے والوں سے واپس کرنے کا مطالبہ بھی کردیا جبکہ لڑکی کے اہلخانہ نے لڑکے کے گھر سے ایک فرد کو یرغمال بنالیا۔

یہ بھی پڑھیں: دلہے کا عین وقت پر شادی سے انکار، اہلخانہ تھانے پہنچ گئے