بھارت میں ایک شخص نے زیادہ موبائل فون استعمال کرنے پر اپنی بیوی کا گلا گھونٹ دیا۔

تفصیلات کے مطابق یہ افسوسناک واقعہ بھارتی ریاست کرناٹک کے گاؤں کوپالو میں پیش آیا جہاں سری ناتھ نامی شخص نے اپنی بیوی پوجا کو موبائل کا زیادہ استعمال کرنے پر گلا گھونٹ کر قتل کر دیا، اسے بیوی کے افیئر ہونے کا بھی شبہ تھا۔

پوجا اور سری ناتھ کی 9 سال قبل شادی ہوئی تھی جبکہ ان کی ایک بیٹی بھی تھی۔ وقت گزرنے کے ساتھ ساتھ انسٹاگرام ریلز اور ویڈیوز بنانے کی پوجا کی عادت نے ان کے تعلقات کو کشیدہ کر دیا، جس کی وجہ سے دونوں کے درمیان اکثر لڑائیاں ہوتی رہتی تھیں۔

پولیس کا کہنا ہے کہ قتل سے تین دن پہلے بیوی کی جانب سے موبائل فون زیادہ استعمال کرنے پر سری ناتھ اور پوجا کی لڑائی ہوئی تاہم غصے میں آکر شوہر نے بیوی کو گلا گھونٹ کر قتل کر دیا۔

پولیس نے کہا کہ قتل کرنے کے بعد سری ناتھ نے اپنے سسر شیکھر کے سامنے جرم کا اعتراف کیا، جس کے بعد دونوں نے لاش کو ٹھکانے لگانے کا فیصلہ کیا اور لاش کو موٹر سائیکل پر لے جاکر قریبی دریا میں پھینک دیا۔

پولیس نے بتایا کہ قتل کے چند دن بعد سری ناتھ کو اپنے جرم پر افسوس ہوا اور اس نے پولیس کے سامنے ہتھیار ڈال دیے اور یہ بھی تسلیم کیا کہ اس کے سسر نے لاش کو ٹھکانے لگانے میں مدد کی۔

واضح رہے کہ سری ناتھ اور سسر شیکھر دونوں فی الحال پولیس کی حراست میں ہیں، واقعہ کا مقدمہ بھی درج کر لیا گیا ہے جبکہ تفتیش جاری ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/amazing/2023/08/155278/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/amazing/2023/08/155278/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں